AstraZeneca ka filluar tërheqjen në mbarë botën të vaksinës Covid-19, për shkak të një “teprice të vaksinave të përditësuara në dispozicion” që synojnë variante të reja të virusit.
Më 7 maj, Agjencia Evropiane e Barnave, lëshoi një njoftim se vaksina nuk është më e autorizuar për përdorim.
Në një deklaratë, AstraZeneca tha se vendimi u mor sepse tani ka shumëllojshmëri të vaksinave më të reja në dispozicion që janë përshtatur për të synuar variantet e Covid-19.
Kjo kishte çuar në rënie të kërkesës për vaksinën AstraZeneca, e cila nuk po prodhohet më.
“Sipas vlerësimeve të pavarura, mbi 6.5 milionë jetë u shpëtuan vetëm në vitin e parë të përdorimit dhe mbi 3 miliardë doza u furnizuan globalisht”, thuhet në deklaratë.
“Përpjekjet tona janë njohur nga qeveritë në mbarë botën dhe konsiderohen si komponent kritik i përfundimit të pandemisë globale. Tani do të punojmë me rregullatorët dhe partnerët tanë për t’u lidhur në një rrugë të qartë përpara, për të përfunduar këtë kapitull dhe kontributin e rëndësishëm në pandeminë Covid-19”, u tha ndër tjera. /nzoom.biz/