Ndonëse të brendshmet janë pjesë e përditshmërisë sonë e rrallë ndalemi t’i analizojmë, një detaj i vogël ka ngjallur kureshtjen e njerëzve: fjongoja që gjendet në pjesën e përparme të mbathjeve të femrave.
A është thjesht një element estetik apo fshihet diçka më shumë pas saj?
Para se të shpikej llastiku, të brendshmet mbaheshin të sigurta me anë të fjongove ose lidhëseve të holla, që kalonin në vrima të vogla në pjesën e sipërme të rrobës. Kjo metodë ndihmonte që mbathjet të qëndronin në vend, të mos rrëshqisnin. Edhe pse teknologjia e tekstileve avancoi dhe llastiku u bë një standard, fjongoja mbeti si element dekorativ, duke ruajtur një lidhje nostalgjike me të kaluarën.
Përveç historisë së saj funksionale, fjongoja ka marrë edhe një kuptim simbolik. Ajo lidhet me ëmbëlsinë, feminilitetin dhe një ndjesi delikatese. Në diskutimet online, shumë gra e përshkruajnë si një detaj “të lezetshëm” dhe “shumë femëror”.
Fjongoja shërben edhe si ndihmë praktike, për të dalluar pjesën e përparme nga ajo e pasme, veçanërisht kur vishemi me nxitim apo në errësirë. Pra, ky detaj i vogël ka mbetur një element i dobishëm në përditshmërinë tonë. Edhe pse sot fjongoja nuk ka më funksionin e dikurshëm, ajo vazhdon të jetë një pjesë e pandarë e të brendshmeve të femrave, duke përfaqësuar një përzierje perfekte mes historisë, praktikës dhe estetikës. /nzoom.biz/
