U zbuluan emrat e artistëve që do të marrin pjesë në Festivalin e 64-t të Këngës në RTSH, një nga ngjarjet më të rëndësishme muzikore të fundvitit në Shqipëri.
Komisioni Përzgjedhës, nën drejtimin artistik të Elhaida Dani, ka shpallur zyrtarisht listën me 28 këngëtarë që do të ngjiten në skenën magjike të këtij edicioni, shkruan nzoom.biz.
Ky vit sjell një përzierje interesante mes emrave të njohur të muzikës shqiptare, rikthimeve të rëndësishme dhe zërave të rinj që do të kenë mundësinë të debutojnë në festival, duke e përdorur si trampolinë drejt një karriere muzikore më të gjerë.
Ndër artistët pjesëmarrës spikasin Fifi, e cila do të performojë në duet me Tiri Gjocin, pas bashkëpunimeve të suksesshme që kanë pasur më herët. Në garë do të jetë edhe Alis, i renditur në vendin e tretë në Festivalin e kaluar me këngën “Mjegull”, si dhe Vedat Ademi, që rikthehet pas disa vitesh mungesë.
Në listë gjenden Evi Reçi, Sheila, Kamela Islamaj, Gerta Mahmutaj, Erik Lloshi, Enxhi Nasufi dhe Gresa Gjocera, ndërsa rikthehen Lorenc Hasrama, Luna Çausholli dhe Kleansa Susaj. Një tjetër rikthim i pritur është grupi 2 Farm, i njohur për energjinë e tyre skenike.
Festivali do të mirëpresë edhe talente të reja, si Egzon Pireci nga Prizreni, i cili ka nisur rrugëtimin artistik në fëmijëri, dhe Inis Neziri, e njohur për publikun si një zë i fuqishëm.
Në mesin e pjesëmarrësve janë edhe Threex, Sihana Haxhnikaj, Savjana Vjerdha, Sara Kapo, Rigersa Loka, Rezarta Smaja, Malvina Likaj, Kimi, Ghiti dhe Endri Kaçaçi.
Një surprizë e këtij edicioni është aktori Erand Sojli, i cili këtë herë do të ngjitet në skenë në rolin e këngëtarit. Festivali i 64-t i Këngës në RTSH do të zhvillohet përgjatë katër netëve. Dy netët e para do të jenë konkurruese, nata e tretë do t’i kushtohet Nostalgjisë, ndërsa nata e katërt do të jetë Finalja e Madhe.
Ashtu si vitin e kaluar, gjatë muajit nëntor pritet të publikohen këngët konkurruese, duke i dhënë publikut mundësinë të njihet më herët me krijimet muzikore të këtij edicioni.
Lista e plotë e artistëve pjesëmarrës në Festivalin e 64-t të Këngës në RTSH:
2 Farm
Alis
Egzon Pireci
Endri Kaçaçi
Enxhi Nasufi
Erand Sojli
Erik Lloshi
Evi Reçi
Fifi & Tiri Gjoci
Frensi
Gerta Mahmutaj
Ghiti
Gresa Gjocera & Bledi Kaso
Inis Neziri
Kamela Islamaj
Kimi
Kleansa Susaj
Lorenc Hasrama
Luna Çausholli
Malvina Likaj
Rezarta Smaja
Rigersa Loka
Sara Kapo
Savjana Vjerdha
Sheila
Sihana Haxhnikaj
Threex
Vedat Ademi
/nzoom.biz/
