Ëndrrat reflektojnë emocionet, frikërat dhe tensionet që nuk i pranojmë me vetëdije.
Studimet sugjerojnë se ato mund të paralajmërojnë edhe probleme fizike para se të shfaqen simptomat, shkruan nzoom.biz.
Ky fenomen quhet “ëndërr prodromale” – një paralajmërim i hershëm i sëmundjeve.
Shembuj historikë dhe modernë tregojnë raste ku njerëzit kanë pasur ëndrra të përsëritura për dhimbje, plagë apo kafshime, është diagnostikuar një sëmundje si kanceri, diabeti apo çrregullime neurologjike. Edhe mjekët e lashtë si Galen dhe filozofë si Aristoteli mendonin se shenjat e sëmundjeve mund të shfaqen në ëndrrat e njerëzve.
Carl Gustav Jung dokumentoi raste ku ëndrrat pasqyronin probleme fizike të pacientëve.
Njerëzit me shëndet të dobët fizik kanë më shumë ëndrra që përfshijnë plagë ose kafshë, ndërsa ata me depresion shohin ëndrra me trishtim ose zemërim. Gratë shtatzëna raportojnë ëndrra më të gjalla, që ndihmojnë në parandalimin e depresionit pas lindjes.
Praktikat si ëndërrimi lucid, të qenit i vetëdijshëm gjatë ëndrrës mund të ndihmojnë për të përfituar më shumë nga proceset e trurit dhe vetë-shërimit.
Psikologët theksojnë se kuptimi i ëndrrave rrit vetëdijen për shëndetin fizik dhe emocional.
Nëse keni ëndrra të përsëritura ose të frikshme, ato mund të jenë sinjale të trupit që kërkojnë vëmendje.
Siç thonë psikologët jungianë: “Ëndrrat janë gjuha e shpirtit dhe shpirti di kur diçka nuk është në rregull.” /nzoom.biz/
