Ekziston një teori që thotë se gjatë jetës, çdo grua takohet me pesë burra të veçantë, secili me një rol unik që e shënon dhe e formëson.
Nuk janë gjithmonë zgjedhje të vetëdijshme, por secili është një mësim mbi dashurinë, veten dhe atë që kërkojmë (apo nuk kërkojmë) nga jeta.
Djali i keq
Ai që s’duhet dashuruar, po e bëjmë gjithsesi. Tërheq me misterin, guximin dhe ashpërsinë e tij. Mësojmë se bukuria e errët ka një çmim, ligësia s’është kurrë seksi për gjatë.
Ai shumë i bukur, por vetëm kaq
Pamja e tij është e përkryer, por brenda nuk ka thellësi. Shijon shikimin, por mësojmë se bukuria pa përmbajtje lodh dhe se dashurohet një njeri, jo një trup perfekt.
I pasuri
Ai që ka stabilitet dhe siguri financiare. Nuk është turp të duash stabilitet, por pasuria e tepërt sjell arrogancë dhe boshllëk emocional. Disa martohen me të, të tjerat ikin.
Heroi
Mjek, avokat, pilot ose njeri me reputacion. Duket perfekt dhe i besueshëm, por edhe heronjtë kanë hijet e tyre – një kontroll i tepruar nga prindërit ose pritshmëri të çuditshme nga partneri mund ta prishë përshtypjen.
Dashuria e madhe
Nuk është perfekte, ndonjëherë as e logjikshme ose e shëndetshme. Por të pushton plotësisht, pa kushte. Mund të jetë burri i lagjes, artisti, politikani apo kushdo tjetër. Disa martohen dhe vuajnë, të tjerë e mbajnë mend përgjithmonë.
Dhe pastaj vjen i gjashti
Pas gjithë këtyre burrave, vjen dikush ndryshe: jo perfekt, jo i pasur, ndoshta as i famshëm. Por është ai që shfaqet kur gruaja e di se çfarë nuk do, kur është e qartë me veten dhe nuk luan më lojëra. Me të, ndjen paqe – as më pak, as më shumë. Ai është njeriu që gjendet kur je gati, dhe është pikërisht ai që meriton. /nzoom.biz/
