Një CV është si një takim i parë: përshtypja e parë është vendimtare.
Ajo mund të jetë çelësi që ju hap derën për punën e ëndrrave, ose arsyeja pse ajo derë mbetet e mbyllur, shkruan nzoom.biz.
Në thelb, CV-ja flet për ju, dhe detajet janë gjithçka.
Një shkrim i kujdesshëm dhe përdorimi i fjalëve kyçe bëjnë diferencën mes një kandidati që ftohet për intervistë dhe një kandidati që harrohet menjëherë. Por ka edhe gabime që duhet shmangur, sidomos përdorimin e “fjalëve boshe” që nuk japin informacion konkret.
Sipas Alisha Miranda, autore e librit “Mbijetesa ndaj Humbjes së Punës: Një Udhëzues për Papunësinë”, gabimi më i zakonshëm është përdorimi i titujve pompues që nuk pasqyrojnë aftësi reale. Fjalë si “guru”, “ninja” apo “rockstar” nuk kanë vend në një CV profesionale. Po ashtu, është e këshillueshme të shmangen edhe termat që nënvizojnë mungesën e përvojës, si “junior” apo “fillestar”.
Në vend të kësaj, përqendrohuni tek kontributi juaj konkret.
Edhe pa shumë eksperiencë, mund të tregoni si keni mbështetur një projekt, keni ndihmuar ekipin të arrijë objektivat, ose keni marrë iniciativa të veçanta.
Fjalët që duhet të përdorni:
Ndërtoj
Prodhova
Menaxhova
Fjalë që tregojnë aftësi ndërpersonale dhe bashkëpunim:
Bashkëpunova
Besueshmëri
Mbështeta
Kontribuova
Fjalët që duhet të shmangni:
Termat e paqartë, klishetë dhe fjalët që nuk japin informacion konkret nuk ndihmojnë.
Nëse nuk jeni të sigurt si të përshkruani veten, kërkoni feedback nga njerëz që ju njohin.
Miranda sugjeron:
“PYETINI MIQTË OSE KOLEGËT SE SI DO T’JU PËRSHKRUANIN, DHE MË PAS PËRDORNI ATO CILËSI NË CV.”
CV-ja nuk është një listë me përvoja dhe aftësi; ajo është historia profesionale, treguar përmes fjalëve që ndikojnë. Shmangni klishetë dhe përqendrohuni tek ato fjalë që pasqyrojnë vërtet se kush jeni dhe çfarë mund të sillni në një pozicion pune. /nzoom.biz/
