Nëse dyshoni se jeni bllokuar në Viber, ekziston një mënyrë e thjeshtë për ta zbuluar.
Edhe pse aplikacioni nuk jep njoftim që e konfirmon, një opsion i fshehur në Viber mund t’ju tregojë nëse dikush ju ka bllokuar, shkruan nzoom.biz.
Mjafton të vini re disa ndryshime të vogla që ndodhin kur ndodh bllokimi.
Shenja e parë është zhdukja e fotos së profilit së personit. Nëse më parë keni parë foton e tani shfaqet siluetë gri, kjo është shenjë që kontakti ju ka bllokuar.
Sinjali i dytë lidhet me statusin e mesazheve. Kur jeni bllokuar në Viber, mesazhet duken sikur janë dërguar, por kurrë nuk marrin statusin “dërguar”. Në vend të dy shenjave të purpurt, mbetet vetëm një e vetme gri, pavarësisht sa gjatë prisni.
Por, ajo që shumë përdorues nuk e dinë është se konfirmimi përfundimtar fshihet në një opsion brenda profilit të kontaktit. Nëse hyni në profilin e personit dhe shihni që “Thirr përmes Viber” është i çaktivizuar, kjo tregon se nuk mund të bëni thirrje sepse jeni bllokuar. Sapo kontakti ta heqë bllokimin, butoni i thirrjes bëhet sërish aktiv.
Hapni bisedën me personin për të cilin dyshoni se ju ka bllokuar, dërgoni një mesazh të shkurtër e hyni në profilin e tij/saj. Nëse nuk shihni foton e profilit, statusin “i fundit i parë” dhe mesazhi nuk merr dy shenja të kontrollit, është e sigurt që jeni bllokuar në Viber.
Bllokimi vlen vetëm brenda aplikacionit, kjo do të thotë që personi mund t’ju kontaktojë përmes SMS-ve, thirrjeve tradicionale ose aplikacioneve të tjera, por jo brenda Viber-it.
Edhe pse Viber nuk dërgon asnjë njoftim, nëse nuk mund të shihni foton e profilit, statusin dhe opsionin e thirrjes, atëherë me shumë gjasë jeni bllokuar në aplikacion. /nzoom.biz/
