Dhimbjet e kokës janë të zakonshme dhe mund të zgjasin nga disa minuta deri në disa ditë.
Ekspertët thonë se shumica nuk janë serioze, por nëse dhimbja është e fortë apo e pazakonshme, duhet të konsultoheni me mjekun, shrk,uan nzoom.biz.
Këshilla praktike për menaxhim:
Mbani një ditar dhimbjeje: Shënoni se çfarë po bënit, çfarë hëngrët, gjumin, motin dhe, për gratë, ciklin menstrual. Kjo ndihmon të kuptoni shkaqet dhe modelet e dhimbjeve.
Kafeina me masë: Sasi të vogla mund të ndihmojnë ilaçet, por shmangeni në pasdite. Konsumimi i tepërt ose ndërprerja e papritur mund të shkaktojë dhimbje koke.
Mos e lini barkun bosh: Hani rregullisht ushqime të shëndetshme, të pasura me proteina, yndyra të mira dhe karbohidrate komplekse. Gjumi, stresi i menaxhuar dhe hidratimi janë po aq të rëndësishme.
Shmangni ilaçet me kodeinë: Ato mund të rrisin frekuencën e dhimbjeve dhe të shkaktojnë të përzier. Përdorni ilaçe pa recetë vetëm kur është e nevojshme dhe jo më shumë se dy ditë në javë.
Ekspertët theksojnë se nuk ka një zgjidhje të vetme, por duke kuptuar shkaqet dhe duke i menaxhuar me kujdes, dhimbjet e kokës mund të parandalohen dhe trajtohen më lehtë. /nzoom.biz/
