Këngëtari i njohur Xuxi ka reaguar ashpër pas përfundimit të Festivalit të Këngës në RTK, ku mori pjesë me këngën “Identitet”.
Përmes një postimi në rrjete sociale, kritikoi jurinë e festivalit dhe një pjesë të prezantimit të moderatorëve, të cilën e cilësoi si “denigruese dhe të pavend”, shkruan nzoom.biz.
Duke ironizuar procesin e vlerësimit, Xuxi shkroi: “NUK MË KA LËNDUAR VOTIMI I JURISË MBRËMË, SEPSE TË GJITHË E DIMË SE TEK NE NË FESTIVALE ‘FITOJNË’ EMRAT E KOMPOZITORËVE, TË FAVORITEVE TË TYRE E ANËTARËVE TË JURISË QË I MBLEDHIN NËPËR PUBE NATËN KU BËJNË MUZIKË.”
Por sipas tij, më e dhimbshme ishte mënyra se si u trajtua një pjesë e performancës:
“AJO QË MË DHEMB ËSHTË SKENARI I NDËRTUAR RRETH ‘LAHUTISTIT’, KINSE PËR TË KUJTUAR MIXHEN RAMË, SEPSE KJO ISHTE DENIGRUESE DHE E PAVEND.”
Xuxi theksoi se elementet e performancës së tij kishin kuptim të thellë kombëtar dhe nuk ishin thjesht dekor skene:
“ATO TIRQI DHE AJO LAHUTË NUK JANË ‘KOSTUM SKENE’, JANË IDENTITET. JANË RRËNJËT TONA, HISTORIA JONË, GJAKU YNË.”
Ai përmendi karrierën e tij mbi 40-vjeçare dhe falënderoi publikun për mbështetjen:
“PUBLIKU FOLI QARTË MBRËMË, DHE PËR MUA, AI ËSHTË ÇMIMI MË I MADH.”
Në fund, këngëtari shprehu zhgënjimin për mënyrën se si u zhvillua festivali:
“SAPO U RRIT SHPRESA SE KY FESTIVAL DO TË ECË PËRPARA PA MASHTRIME E VENDIME INATÇORE, U ZHGËNJEVA PRAPË. MUND TA URRENI XUXIN, AMA KËNGËN KURRË. AJO KËNGË MERITONTE TË JETË NË PIEDESTAL.” /nzoom.biz/
