Psikologët mendojnë se kufizimet e bëjnë një fëmijë të ndihet më i sigurt dhe më i qetë.
Sidoqoftë, kufizime të caktuara mund të bëjnë pikërisht të kundërtën, duke ngadalësuar zhvillimin e tyre, shkruan nzoom.biz.
Disa gjëra që duhet t’i lejoni fëmijës të bëjë, premtojmë se është dhurata më e mirë për ta.
Të bëjë pyetje
Një fëmijë rritet dhe mëson për botën, duke bërë pyetje. Mund të jetë e vështirë për prindërit t’u përgjigjet të gjithave në mbrëmje kur janë të lodhur, por koha cilësore me fëmijët, jo vetëm që i ndihmon të zhvillohen, por krijon lidhje të fortë midis jush e fëmijës.
Të qajë
Fëmijët e vegjël ndiejnë gjithçka më gjallërisht se të rriturit. Mos e ndaloni të qajë! Është më mirë t’i ndihmosh të kuptojnë pse po qajnë dhe të gjejnë një mënyrë për të ndaluar.
Të jenë lakmitarë
Fëmija juaj ka të drejtë të ketë gjërat e tij, ashtu si të rriturit. Asnjëherë mos i bëni të turpërohen pse tregohen “të babëzitur”.
Jo për çdo gjë duhet t’i thoni jo
Fëmijët kërkojnë shumë gjëra. Por, kjo nuk do të thotë që për çdo kërkesë t’i thoni jo. Në vend të kësaj, gjeni një marrëveshje ose një mënyrë për të shpjeguar pse duhet të bëjnë atë që nuk duan.
Të jenë të zhurmshëm
Mos ua prishni fëmijërinë. Lërini të këndojnë këngë dhe të bëjnë zhurmë. Kjo është periudha e vetme e jetës së tyre, kur ata janë të lirë të sillen kështu.
Të kenë frikë
Fëmijët mund të frikësohen nga mjeku ose nga një i afërm i çuditshëm. Mos u turpëroni që kanë frikë, i bëni të kuptojnë se nuk ka asgjë të keqe të jenë të frikësuar.
Të mbajnë sekrete
Sa më shumë të rritet fëmija, aq më shumë ka nevojë për privatësinë e tij. Ju duhet të dini se çfarë po ndodh në jetën e tyre, por sigurohuni që mos ta tejkaloni.
Të ndjejnë zemërim apo xhelozi
Një fëmijë është një person dhe ka të drejtë të ketë ndjenja negative. Mos harroni se fuqia e tyre e vullnetit nuk është ende e fortë dhe ata kanë probleme në kontrollin e tyre.
Të bëjnë gabime
Askujt nuk i pëlqen të bëjë gabime, është edhe më keq kur një i rritur ju qorton për ta. Nuk është çudi që një fëmijë nuk do të bëjë asgjë më vete pas kësaj. /nzoom.biz/
