iPhone i palosshëm i Apple, i përfolur prej kohësh , po i afrohet lansimit të tij dhe një raport zbulon se sapo ka kaluar një tjetër moment të rëndësishëm.
Pengesa kryesore teknike në zhvillimin e iPhone-it të palosshëm ka qenë ekrani, shkruan nzoom.biz.
Apple thuhet se ka refuzuar dizajne të shumta gjatë dy viteve të fundit.
Raportohet se kompania ka finalizuar dizajnin e ekranit dhe e ka zhvendosur pajisjen në fazën e para-prodhimit.
Në këtë fazë, kompania duhet të ketë disa rregullime të mbetura para se të jetë në gjendje të fillojë prodhimin masiv për iPhone Fold.
Thuhet se furnizuesit janë të përgatitur. Partnerët e komponentëve në gjithë zinxhirin, duke përfshirë prodhuesit e paneleve dhe partnerët e montimit, po presin dritën e gjelbër përfundimtare të Apple.
Detajet e fundit në lidhje me iPhone Fold është se Apple planifikon ta pajisë pajisjen e palosshme me të njëjtin sistem ftohjeje që përdori në iPhone 17 Pro e iPhone 17 Pro Max. /nzoom.biz/
