Tingëllon si një këshillë e pazakontë, por në fakt është një truk që funksionon vërtet, ndaj ia vlen ta provoni edhe ju.
Ekspertët flasin prej vitesh për këtë metodë, ndërsa njerëzit zakonisht reagojnë me habi: “Prit pak, qiri në frigorifer?!”
Megjithatë, pikërisht kjo ide, që në fillim duket e çuditshme, bën që qiriu juaj të zgjasë më shumë, të digjet më bukur dhe të çlirojë aromë më të këndshme sesa do ta kishit menduar.
Si funksionon ky truk?
Kur qiriu “ftohet” për pak kohë, dylli bëhet më i fortë, më kompakt dhe më i qëndrueshëm. Kjo do të thotë se nuk do të shkrihet menjëherë sapo ta ndizni. Ai digjet më ngadalë, më njëtrajtshëm, ajo që është më e bukura, aroma çlirohet gradualisht, në mënyrë të qëndrueshme, si parfum i lehtë që mbetet në dhomë edhe orë të tëra pasi qiriu është fikur.
Me fjalë të tjera: i njëjti qiri, i njëjti ambalazh, por dyfish më shumë kënaqësi, vetëm sepse e keni vendosur në frigorifer për disa orë.
Pse aroma zgjat më shumë?
Ftohja e dyllit ndihmon që vajrat aromatikë të mos avullojnë menjëherë. Kjo do të thotë se aroma nuk “shpërthen” menjëherë dhe nuk humbet shpejt, por përhapet butë dhe mbetet e pranishme për më gjatë në ambient.
Këshilla që truku të funksionojë perfekt. Vendosni qiriun në frigorifer 3 orë para ndezjes. Nëse keni frikë se mos përthith aromat e ushqimit, futeni në qese ose enë të mbyllur.
Funksionon më së miri me qirinj më të mëdhenj dhe më masivë, idealë për darka romantike, maratona Netflix-i apo për të krijuar atmosferë të qetë “zen” në shtëpi.
Një detaj interesant për fund
Ky truk përdoret shpesh edhe në dyqane parfumerie dhe spa, pikërisht për ta bërë aromën më elegante dhe më jetëgjatë. Një ftohje e vetme para ndezjes, dhe dhoma juaj mund të marrë aromën e një butiku parisian, ndërsa qiriu duket sikur sapo është hapur – edhe pas tri mbrëmjesh përdorimi. /nzoom.biz/