Shumë faktorë ndikojnë në cilësinë e gjumit dhe të shkaktojnë pagjumësi, duke përfshirë ankthin, depresionin, konsumimin e kafeinës dhe ndikimet e COVID-19.
Ekspertët thonë se njerëzit me çrregullime ankthi përjetojnë një rritje të nivelit të shqetësimit e vigjilencës, gjë që vonon fillimin e gjumit dhe e vështirëson pushimin natën.
Depresioni lidhet ngushtë me çrregullimet e gjumit. Studime tregojnë se deri në 90% e personave me depresion përjetojnë probleme të gjumit, duke përfshirë pagjumësinë, apnea e gjumit, narcolepsinë dhe sindromën e këmbëve të shqetësuara.
Kjo lidhje komplekse mund të lidhet me ndryshime në kimikatet e trurit, ritmet cirkadiane, faktorët gjenetikë dhe inflamacionin.
Konsumimi i kafeinës ndikon në gjumë. Mesatarisht, kafeina ka gjysmë-jetë 5 orë, dhe edhe 200 mg kafe, 15 orë para gjumit, ndikojë negativisht në cilësinë e pushimit. Specialistët rekomandojnë të mos konsumoni kafe ose pije me kafeinë 4-6 orë para gjumit.
Përdorimi i ekranëve të telefonit, tabletit apo televizorit në mbrëmje ul prodhimin e melatoninës dhe vonon ndjenjën e gjumit.
Ndaloni përdorimin e tyre dy orë para se të shkoni në shtrat.
COVID-19 është lidhur me pagjumësinë, sidomos tek ata që vuajnë nga simptomat e gjata.
Studime tregojnë se mbi 40% e personave me Long COVID përjetojnë vështirësi mesatare ose të rënda të gjumit.
Nëse ndiheni të lodhur çdo ditë e zgjidhjet e zakonshme nuk ndihmojnë, konsultoheni me mjekun për të zbuluar shkaqet dhe zgjidhjet për një gjumë të shëndetshëm. /nzoom.biz/