Kampionia olimpike e Kosovës, Majlinda Kelmendi, sot feston ditëlindjen, duke marrë urime dhe vlerësime për karrierën e saj të jashtëzakonshme sportive që e ka bërë një nga emrat më të mëdhenj të xhudos botërore.
Me këtë rast, Federata e Xhudos e Kosovës ka publikuar një mesazh urimi, duke theksuar kontributin e saj të madh në historinë e sportit kosovar, shkruan nzoom.biz.
Sipas federatës, nën drejtimin e trajnerit Driton Kuka, Kelmendi ka arritur suksese të shumta ndërkombëtare, përfshirë medalje olimpike, botërore dhe evropiane, duke e vendosur Kosovën në hartën e sportit elitar.
Majlinda Kelmendi mbetet një nga figurat më të suksesshme sportive të vendit, e cila ka kontribuar në ngritjen e imazhit të Kosovës në arenën ndërkombëtare të xhudos. /nzoom.biz/