spot_img
8.7 C
Pristina
22/04/2024

Këto janë sekretet e një stjuardesi për të mbijetuar fluturimet e lodhshme

Çdo udhëtim ajror mund të jetë stresues, por përballja me një fluturim të gjatë mund të jetë frikësuese.

A duhet t’i jepni përparësi gjumit apo ngrënies, apo të dyja a po a duhet të përpiqeni të ushtroheni në korridor?

A është e pranueshme të hiqni këpucët?

Kris Major është një stjuardesë britanike me përvojë 24 vjeçare që ka bërë nga distancat e shkurtra te ato te gjatat. Në një shkrim për CNN Travel, Major tregon këshillat dhe truket e tij për të mbijetuar disa orë në qiell.

A duhet të hani para apo gjatë një fluturimi gjatë natës?

Nëse jeni duke marrë një fluturim natën e doni të maksimizoni gjumin në bord, Major sugjeron të hani para se të hipni në bord.

Kjo është e rëndësishme nëse fluturimi është me një distancë të gjatë: psh nëse jeni duke udhëtuar nga Nju Jorku në Londër. Në rastin më të mirë po kërkoni 5 a 6 orë gjumë, kështu që doni për të shfrytëzuar sa më shumë atë kohë pushimi.

Nëse jeni duke fluturuar për biznes ose në klasin e parë, mund të tundoheni të përfitoni më shumë nga ushqimi dhe është e vështirë të refuzoni shampanjën falas.

Shërbimi i ushqimit dhe pijeve në kabinë mund të zgjasë dy orë të mira, kështu që po humbisni kohën e çmuar të pushimit. Kështu që në vend të kësaj, maksimizoni ato lehtësira dhe hipni në aeroplan i ushqyer mirë dhe gati për të pushuar.

Pra, kur duhet të hani në aeroplan?

Nëse jeni duke fluturuar për distanca të gjata, ka të ngjarë t’ju ofrohen më shumë se një vakt. Kohët e vakteve fillojnë të ndihen arbitrare kur kaloni disa zona kohore, por a duhet të hani sa herë që ju ofrohet ushqim?

Apo duhet t’i refuzoni vaktet nëse nuk jeni të uritur ose nuk po përpiqeni të flini?

Major thotë se pasagjerët duhet të bëjnë gjithçka që është e drejtë për orarin e udhëtimit.

Nëse jeni të rraskapitur, është më mirë të flini sa të detyroni veten të hani darkë në orën 3 të mëngjesit.

A duhet të sillni një jastëk udhëtimi apo të mbështeteni në ofertat e linjës ajrore?

Linjat ajrore ofrojnë jastëkë për udhëtarët me distanca të gjata, pavarësisht nga kabina, por Major thotë se sjellja e maskës, jastëkut të udhëtimit ose një batanije është ide e mirë në varësi të preferencave. Maskat e syve janë të shkëlqyera nëse po përpiqeni të flini kur dritat e kabinës janë ndezur, mund të preferoni jastëkun e udhëtimit në vend të versionit të linjës ajrore.

Po sikur të mos flini?

Shumë prej nesh e kanë të vështirë të flenë në aeroplan, qoftë për shkak të zhurmave të panjohura ose të sediljeve, hapësirës së kufizuar të këmbëve. Përpjekja për të fjetur gjatë një fluturimi të gjatë, mund të jetë cikël i pakëndshëm. A duhet të ngulmoni e të vazhdoni të përpiqeni, apo të hiqni dorë dhe të shikoni një film? Major thotë se nuk ka kuptim të përpiqesh të flesh me forcë, veçanërisht është mesi i ditës dhe thjesht nuk je i lodhur.

Ai paralajmëron se është e rëndësishme të mbani në mend atë që do pasojë në axhendë.

Nëse do të vozitni ose do të shkoni direkt në takim, duhet të përpiqeni të pushoni sa më shumë por cila është këndvështrimi juaj për pasagjerët që heqin këpucët?

Për shumë pasagjerë, kjo është pyetje e diskutueshme për shkak të shqetësimeve për këmbët me erë të keqe. Major inkurajon këdo që është në një fluturim të gjatë që të heqë këpucët për rehati dhe për të ndihmuar qarkullimin e tyre.

Cila është vendi më i mirë për të rezervuar për një fluturim të gjatë?

Nëse jeni të shqetësuar për turbulencat, Major këshillon të përpiqeni të uleni pranë pjesës së përparme të avionit. “Ju mund të qëndroni përpara dhe të mos ndjeni asgjë, dhe ato pas po ndjejnë çdo lëvizje – avioni lëviz ndryshe nga pas”, shpjegon ai.

Po i marr fëmijët e mi në një fluturim të gjatë, çfarë duhet të bëj?

Major ka fëmijët e tij të vegjël, ndaj thotë se mund t’i përgjigjet kësaj pyetjeje si baba dhe si stjuardesë. “Nëse je i tensionuar, fëmija yt do të jetë i tensionuar, është kaq e thjeshtë. Nëse jeni të stresuar dhe jeni të shqetësuar, fëmija juaj do të jetë në ankth”, thotë ai.

Stjuardesat kanë përvojë për të folur me fëmijët e prindërit gjatë fluturimit, shton Major. “Për shkak se ne përgjithësisht jemi shumë të relaksuar, ne mund t’i qetësojmë ata shumë shpejt,” thotë ai.

Kur foshnjat qajnë, prindërit janë panik dhe pasagjerët e tjerë psherëtinin, Major thotë se ai gjithmonë do ta trajtojë situatën në të njëjtën mënyrë.

“Unë do sigurohem të dëgjohet për të gjithë të tjerët, do të them: ‘Ju lutemi mos u shqetësoni për këtë. Mos u shqetësoni se fëmija juaj po qan. Po e ndihmon fëmijën tuaj të ribalancojë veshët. Është e vetmja mënyrë që ata mund ta bëjnë këtë, përmes ulëritës. Të gjithë kemi qenë fëmijë, të gjithë kemi qarë, mos u shqetësoni për këtë. Do të përpiqem t’i qetësoj prindërit. Duke e qetësuar prindin, ne mund të shpresojmë që ta qetësojmë fëmijën.”

Major thotë se sjellja e lodrave e batanijeve të preferuara në avion ndihmon në qetësimin e një fëmije, pasi ndihmon që mjedisi i aeroplanit të duket i njohur dhe ngushëllues. /nzoom.biz/

spot_img
LAJMET E FUNDIT
Related news