Arrat konsiderohen se janë një ndër frutat më të shëndetshme për njeriun e madje nuk duhet të mungojnë në oraret tuaja të ngrënies.
Në vazhdim do të keni mundësi t’i lexoni benefitet që sjell nëse konsumohet ashtu si duhet, shkruan nzoom.biz.
Kundër diarresë përdoret me efekt lëngu i luleve mashkullore të arrës, ndërsa kundër dhimbjeve në fyt, rekomandohen arrat me mjaltë. Gjethet e njoma e të freskëta të arrës largojnë insektet, çimkat dhe milingonat nga banesat, duke qenë tepër, sidomos në shtëpinë e fshatit, ku këto të fundit janë më të pranishme.
Shërimi i diarresë – Merren 5-10 gr lule mashkulore të pemës së arrës e zihen në 200 ml ujë. Lëngu pihet sa herë të doni, sipas shkallës së sëmundjes tek pacienti. I njëjti lëng i gjetheve të ziera përdoret:
- a) Në formë lavazhi kundër sëmundjeve inflamatore gjenitale;
- b) Në formë klizme kundër diarresë dhe dizenterisë;
- c) Për larjen e infeksioneve të lëkurës.
- Kurimi i zgjebes, urthit dhe ekzemës
Merren 60 gr gjethe are, priten në copa e lihen të ziejnë 1 orë, në sasi prej gjysmë litri ujë, pastaj lyhen pjesët e sëmura të lëkurës, derisa të zhduken shenjat e sëmundjeve. E njejta tretësirë përdoret sakaq edhe në banjat tonike, që e bëjnë trupin të gjallë dhe të freskët.
Kurimi i plagëve të gojës – Një sasi 15 gr gjethe arre, futen në 100 ml ujë, shtojmë 6 gr acid borik. Pasi e ziejmë, me çajin e përgatitur i bëjmë lavazh gojës. E njejta kurë, përdoret dhe për të mbajtur të butë lëkurën e trupit. Arrat janë ushqim i mirë për fëmijët, sidomos kundër anemisë dhe rënies së flokëve.
Kundër rënies së flokëve – Hidhni 40 gr gjethe arre e lëvore degësh të njoma në 1 litër ujë, zieni në ujë të valuar e shpërlani kokën çdo mbrëmje, vazhdimisht për disa ditë.
Për heqjen e kallove – Merren 60-80 gr lëvore e njomë e arrës dhe zihet në 500 ml ujë. Pasi lihet pak, me këtë lëng shpërlahen këmbët në pjesët e kallove, çdo gjysëm ore. Ky veprim përsëritet 2-3 ditë, derisa kallot të zhduken.
Për gurët në fshikëzën e tëmthit – Mbushim 1 lugë gjelle me gjethe të thata e të thërrmuara të arrës, 1 lugë gjelle bishtash qershie, 1 lugë gjelle me mustaqe misri dhe 1 lugë gjelle me gjethe të freskëta të hithrit. Këto elemente zihen në temperaturë të lartë, në 1 litër ujë. Enën e mbulojmë, e lëmë për 2 orë të kullohet dhe tretësirën e përftuar e konsumojmë si çaj. Pas ushqimit, këtij çaji, rekomandohet që t’i shtohet edhe pak mjaltë.
Anemia – Marrim një çerek kg arra të qëruara, një çerek kg mjaltë natyral, një çerek kg kajmak qumështi. I përziejmë derisa të bëhen krem dhe konsumojmë periodikisht, dy herë në ditë, 1 lugë gjelle për të rriturit dhe 2 herë në ditë nga 1 lugë kafeje, për fëmijët.
Kurimi i prostatës – Merren 2 lugë të kripthit të arrave dhe i valojmë në gjysëm litri verë, 5 minuta. Tretësira lihet të pushojë 10 min, kullohet dhe pihet nga një filxhan çaji gjatë ditës, e ëmbëlsuar sipas dëshirës.
Djersitja e e këmbëve – 100 gr gjethe të thata të thërrmuara të arrës, 100 gr gjethe të thërrmuara të sherebelës, e përvlojmë me 4 litra ujë të nxehtë. Përftesën e mbulojmë për 2 orë dhe e kullojmë. Sërish e ngrohim derisa të jetë jo shumë e nxehtë për lëkurën. Në tretësirë, zhyten këmbët nga 30 min, veprimi përsëritet kur personi ka djersitje të tepërt.
Arra e kokosit – Forcon potencën seksuale dhe liron dhimbjet në kurriz. Përdoret kryesisht lëngu dhe tuli i frutit të saj, me një konsumim të njejtë për disa ditë rresht. /nzoom.biz/
