Fondatina është një nga produktet kryesore të grimit, por zgjedhja e saj nuk duhet të bazohet vetëm te mbulimi.
Për një rezultat të bukur, natyral dhe uniform, ajo duhet të ndihet në lëkurë si të brendshmet: të mbulojë atë që dëshironi të fshihni, por të jetë sa më e lehtë dhe komode, shkruan nzoom.biz.
Një fondatinë e mirë duhet të mbulojë shenjat e dukshme në lëkurë, puçrrat apo skuqjet, të qëndrojë për disa orë dhe, mbi të gjitha, të mos krijojë efektin e një maske. Por nëse keni lëkurë të thatë, zgjedhja bëhet edhe më e rëndësishme.
Shmangni efektin e lëkurës së thatë
Lëkura e thatë ka nevojë për hidratim e fondatinë e papërshtatshme mund ta theksojë thatësinë, vijat e holla dhe rudhat. Në vend që fytyra të duket e freskët, grimi mund të përfundojë duke i dhënë asaj një pamje të lodhur dhe më të pakëndshme.
Kur zgjidhni fondatinën, kërkoni formula kremoze ose të lëngshme, që ndihmojnë në ruajtjen e hidratimit dhe i japin lëkurës një përfundim më të freskët dhe me shkëlqim natyral.
Nëse keni lëkurë të thatë, është më mirë të shmangni fondatinat me përfundim shumë mat dhe formulat në pudër, pasi mund ta bëjnë thatësinë edhe më të dukshme.
Shikoni edhe përbërësit
Tekstura s’është e vetmja gjë që duhet marrë në konsideratë. Edhe përbërësit e fondatinës duhet, për lëkurën e thatë janë të përshtatshme formulat që përmbajnë vajra a përbërës hidratues e ushqyes, që ndihmojnë që produkti të mos e thajë lëkurën.
Përgatitja e lëkurës është gjysma e punës
Edhe fondatina më e mirë nuk do të duket bukur nëse aplikohet mbi një lëkurë të papërgatitur. Pastroni mirë fytyrën dhe lëreni për pak çaste që lagështia të përthithet. Më pas aplikoni kremin hidratues dhe, gjatë ditës, mos harroni mbrojtjen nga dielli..
Prisni pak derisa produktet të përthithen dhe kaloni te fondatina. Kjo ndihmon që grimi të përhapet mirë të duket më uniform.
Truku me sfungjerin që bën diferencën
Për një aplikim më të njëtrajtshëm, përdorni një sfungjer grimi të lagur lehtë. Shtrydheni mirë dhe më pas aplikoni një sasi të vogël fondatine, mos e mbuloni gjithë fytyrën me shtresë të trashë.
Niseni me pak produkt dhe shtoni gradualisht aty ku keni nevojë për më shumë mbulim.
Në zonat problematike, aplikoni pak më shumë produkt në mënyrë lokale, në vend që të rëndoni të gjithë fytyrën. Kështu, rezultati do të jetë më natyral, ndërsa lëkura do të ruajë pamjen e saj të freskët.
Sekreti i një fondatine të bukur nuk është të mos duket lëkura, por të duket lëkura më e mirë që mund të keni. /nzoom.biz/