Gjatë verës, frigoriferi punon më shumë, por temperatura e ulët nuk mjafton gjithmonë për të parandaluar prishjen e ushqimeve.
Ruajtja e duhur është po aq e rëndësishme.
7 ushqime që prishen shpejt dhe si t’i ruajmë:
Luleshtrydhet dhe frutat e pyllit: Mos i lani menjëherë. Ruajini të thata me letër thithëse dhe lani para konsumit.
Sallata jeshile: Thani mirë pas larjes dhe ruajini me letër kuzhine që thith lagështinë.
Erëzat e freskëta: Vendosini kërcejtë në pak ujë dhe mbulojini lirshëm me qese para se t’i fusni në frigorifer.
Kërpudhat: Ruajini në qese letre për të shmangur lagështinë e tepërt.
Qumështi: Mbani në pjesën e pasme të frigoriferit, ku temperatura është më e qëndrueshme.
Orizi i gatuar: Vendoseni në frigorifer brenda dy orësh nga gatimi, mundësisht në porcione të vogla.
Makaronat e gatuara: Ruani në enë hermetike dhe konsumojini brenda 3–4 ditësh.
6 zakone të dobishme:
Mbani frigoriferin në 4°C ose më poshtë.
Mos e mbushni tepër, që ajri i ftohtë të qarkullojë.
Futni ushqimet e gatuara në frigorifer brenda dy orësh.
Përdorni enë të pastra dhe të mbyllura mirë.
Konsumoni fillimisht ushqimet që prishen më shpejt.
Pastroni rregullisht frigoriferin dhe hiqni ushqimet e prishura.
Këto hapa ndihmojnë në ruajtjen e freskisë së ushqimeve, reduktojnë mbetjet e ju ndihmojnë të kurseni para. /nzoom.biz/