spot_img
22 C
Pristina
13/04/2024

Jo vrap, por çka duhet të bëni kur ju ndjek qeni?

Stina e dimrit na bën që të takojmë qenë endacakë çdo ditë.

Megjithatë, lind një problem nëse ata veprojnë armiqësor, shkruan nzoom.biz.

Ekspertët ndanë këshilla se si të mbroheni dhe të parandaloni kafshimet e qenve.

Përpiquni të qëndroni të qetë.

Qentë ndiejnë frikën njerëzore. Nëse keni një agresiv përballë, është e vështirë të qetësoheni. Duhet të ndaloni së bërtituri, duke tundur krahët e s’duhet të ikni. Aktivitete të tilla tradhtojnë frikën dhe nervozizmin, qeni merr sinjal të drejtpërdrejtë për të sulmuar.

Ngadalësoni

Nëse qeni është në rrugën tuaj, ulni shpejtësinë. Kthehuni në anën tjetër e vazhdoni të lëvizni, duke ndjekur qenin me shikim periferik. Do ishte më mirë të ndaloni, të relaksoni krahët përgjatë trupit tuaj. Në këtë mënyrë do të shmangni vëmendjen e kafshës.

Mos e shikoni në sy

Kontakti i drejtpërdrejtë me qenin rrit agresionin e tij. Një pamje e kafshës perceptohet si kërcënim. Qeni duhet parë nga ana, ata kuptojnë se s’jeni një kërcënim, me shumë mundësi do të kalojnë pranë jush.

Shpërqendroni atë

Në situatë si kjo, çdo gjë që keni në dorë ndihmon. Jepni qenit shishen, këpucën a çantën, çdo gjë që kafshon. Në këtë mënyrë mund të largoheni ngadalë, duke shmangur pasojat.

Jepni atij urdhër

Nëse qeni vazhdon të tregojë agresion, kthehuni përballë tij, vazhdoni të shikoni anash e jepni komandën për të shkuar. Është e rëndësishme që zëri të jetë i sigurt në atë moment.

Nuk duhet të kërcënoni apo të bërtisni, komandat efektive janë: “Jo!” dhe “Kthehu!” Pasi qeni t’i dëgjojë, ai do të frikësohet dhe do të largohet mënjanë. /nzoom.biz/

spot_img
LAJMET E FUNDIT
Related news