Përdoruesit e Snapchat janë shprehur të habitur kur zbuluan se ‘My AI’ po postonte ‘story’, të cilat supozohet të jenë të aksesueshme vetëm për përdoruesit e rregullt.
Madje shumë njerëz janë të shqetësuar për këtë ngjarje të çuditshme.
Snapchat na lejon të publikojmë “stories”, ashtu si rrjetet tjera sociale.
‘Story’-t janë foto spontane të disponueshme për t’u parë për 24 orë, përmbajtja e postuar nga roboti po merr vëmendje, pasi “My AI” i Snapchat dukej si një përdorues i vërtetë.
Sipas raportimeve, ‘chatbot’ postoi një ‘story’ në të cilën dukej një mur me dy ngjyra.
Përveç kësaj, përdorues të shumtë në mbarë botën kanë deklaruar se funksioni ‘My AI’ i Snapchat nuk është i disponueshëm ose nuk funksionon më për ta. Sa herë që ata i drejtohen “My AI”, raportohet se ka një gabim, ose është shumë i zënë.
Disa përdorues të Snapchat në Shtetet e Bashkuara postuan gjithashtu pamje nga ekrani në lidhje me AI-n e tyre të Snapchat, të cilave u përgjigj me fjalë të papërshtatshme.