Pavarësisht nëse janë lajmet e fundit apo një episod i serialit, ka shumë njerëz që e kanë kthyer në zakon të fjeturit me televizorin ndezur.
Pra, ata nuk flenë gjumë pa televizor, shkruan nzoom.biz.
Ekspertët thonë që nuk duhet të ketë asnjë kontakt me celularin, tabletin apo televizorin disa orë para gjumit sepse kjo prish ritmin cikadian gjumë-zgjim.
Por, pse disa njerëz flenë gjumë me televizorin ndezur?
Televizori është me zë të lartë dhe njerëzit kanë nevojë për qetësi. Pse disa qetësohen nga diçka e tillë? Aric Prather, një psikolog që trajton pagjumësinë, thotë për Yahoo Life se nuk është e qartë pse disa njerëz bien në gjumë ashtu ndërsa të tjerë jo. Ai thotë se truri mund të kufizojë përpunimin ndijor që lejon të flemë edhe nëse ka zhurmë në sfond.
Arsyeja pse disa njerëz e bëjnë këtë është edhe fakti se zhurma në sfond i lejon ata që të qetësohen e të shpërqendrojnë mendjen e tyre.
A është e gabuar ta kthesh këtë gjë në zakon?
Shikimi i televizorit vonon shkuarjen në shtrat. Trupat kanë sistem për të filtruar tingujt kur flemë, ata nuk mund të heqin gjithë zhurmën. Ndryshimet ekstreme të volumit ose dritës, si shpërthim në një shfaqje televizive, mund të na trembin zgjuar, duke na prishur gjumin.
Ajo që shikoni ndikon në gjendjen se sa mirë flini. Përmbajtja emocionale mund t’ju bëjë të ndiheni më zgjuar, gjë që mund t’ju ndalojë të relaksoheni mjaftueshëm për të fjetur.
Të biesh në gjumë me televizorin ndezur sinjalizon se ka diçka që të ndalon të flesh natyrshëm. Nëse keni vështirësi e mendoni se televizori është i vetmi opsion që keni, mund të flisni me një specialist për të gjetur metodat e menaxhimit të ankthit e qetësimit. /nzoom.biz/
