Kur emocionet takojnë ritmin dhe pasioni për gjuhën shqipe kthehet në muzikë – lind “Shqip të dua”, kënga më e re nga vëllezërit Marko dhe Toni Baka, që premton të pushtojë çdo skenë, çdo radio, çdo playlist veror.
Binjakët karizmatikë rikthehen fuqishëm me një projekt që nuk është thjesht këngë – është një ndjenjë, një thirrje dashurie për gjuhën dhe identitetin shqiptar.
Me një refren që të hyn në mendje dhe një ‘beat’ që të ngre në këmbë, “Shqip të dua” është gati të bëhet kolona zanore e çdo nate të nxehtë vere.
Ajo që e bën këngën e paharrueshme, përveç interpretimit energjik, është teksti, i thellë, emocional dhe i lavdëruar nga kritikët si një perlë moderne e muzikës shqipe.
Pas suksesit të jashtëzakonshëm të bashkëpunimit me babain e tyre, Ylli Baka, në hitin “Me merr me vete”, Marko dhe Toni sjellin një tjetër perlë muzikore që ngjall krenari, dashuri dhe emocion.
Verën këtë vit e festojmë shqip. Me Marko & Toni Baka. /nzoom.biz/
