Nuk ka gjë më të lodhshme sesa një situatë dashurie që nuk merr asnjëherë formë të qartë.
Është një fazë mes miqësisë dhe lidhjes romantike, ku nuk di as vetë çfarë po ndodh. Por pse këto situata janë aq të lodhshme?
1. MUNGESA E SIGURISË
Në një lidhje, ka një nivel të caktuar sigurie dhe qëndrueshmërie. Në një “situationship,” kjo mungon. Pothuajse je i/e paqartë se çfarë do të ndodhë më tej. A do të bëheni çift? A do të përfundoni duke mos folur më? Ky stres i vazhdueshëm është shkatërrues.
2. MUNGESA E KOMUNIKIMIT
Shpesh në një situatë të tillë, komunikimi është i ngatërruar. Nuk flisni për ndjenjat tuaja, pritshmëritë ose për atë që doni në të ardhmen. Kjo mungesë e komunikimit krijon një situatë të ngatërruar dhe bën që të dy palët të ndihen të pasigurt dhe të stresuar.
3. KUPTON QË NUK JE PRIORITET
Në një lidhje të qëndrueshme, partneri është një nga prioritetet kryesore. Në një “situationship,” kjo s’është e sigurt. Mund të ndihesh sikur je në fund të listës, duke pritur për mesazh. Kjo ndjenjë e të qenit “plani b” është e dëmshme për mirëqenien emocionale.
4. DYSHIMI
Një një lidhje të tillë të bën të dyshosh në vetvete. Pse nuk janë të gatshëm për një lidhje të vërtetë? A ka diçka që nuk shkon me ty? Këto pyetje të vazhdueshme dhe pasiguria e ndjenjave të tyre krijojnë një mjedis toksik ku ulet besimi te vetja.
5. PRESIONI SHOQËROR
Shoqëria kërkon të jemi në marrëdhënie të qartë, të qëndrueshme. Kur je në “situationship,” presioni për të përmbushur këto pritshmëri është i madh. Pyetjet nga miqtë dhe familja për statusin e lidhjes tënde janë stresuese e shtojnë ndjenjën e pasigurisë.
SI TË PËRBALLOSH DHE TË KALOSH KËTË FAZË?
Komunikimi i hapur – Fol hapur me partnerin për ndjenjat dhe pritshmëritë tuaja.
Vendosja e kufijve – Vendos kufij të qartë për atë që je i/e gatshëm/me të tolerosh dhe atë që nuk je.
Fokusimi te vetja – Kujdesu për veten, ndiq pasionet dhe interesat e tua.
Mbështetja nga miqtë dhe familja – Bisedo me njerëzit që të duan dhe që të mbështesin. Ata mund të të japin këshilla të vlefshme.
Kalimi i një “situationship” nuk është i lehtë, por me komunikim të hapur mund të dalësh njeri më i fortë dhe më i sigurt për atë që meriton në një marrëdhënie. /nzoom.biz/