iPhone 18 është ende larg nga debutimi, por rrjedhjet dhe thashethemet kanë filluar tashmë të qarkullojnë.
Seria pritet të prezantohet në shtator 2026, disa raportime sugjerojnë se modeli standard i iPhone 18 vonohet, duke mbërritur në pranverë 2027 me version të ri, iPhone 18e.
Ende nuk dihet nëse Apple do të ruajë traditën e lansimit të njëkohshëm të modeleve Pro dhe Pro Max me versionin bazë, apo nëse linja do të ndahet në dy faza.
Sa i përket risive, duket se Apple po teston “teknologji 3D nën ekran” për iPhone 18 — një lajm i mirë për ata që presin një dizajn edhe më të pastër dhe modern.
Gjithashtu, thuhet se seria do të pajiset me çipin e ri A20, i cili pritet të sjellë rritje të dukshme në performancë dhe efikasitet energjetik: deri në 15% më i shpejtë se A19 dhe me konsum rreth 30% më të ulët.
Një tjetër ndryshim i mundshëm është heqja e Butonit të Kontrollit të Kamerës, që u prezantua për herë të parë me iPhone 16. Sipas burimeve, angazhimi i kufizuar i përdoruesve dhe kostot e larta të prodhimit po bëjnë që Apple të mendojë të mos e përfshijë këtë funksion në gjeneratën e re.
Përmirësim i rëndësishëm mund të jetë edhe RAM-i: raportohet se “iPhone 18” mund ta rrisë kapacitetin bazë deri në 12 GB, duke e vënë në të njëjtin nivel me pjesën tjetër të linjës. Me fokusin gjithnjë e më të madh të Apple te veçoritë e inteligjencës artificiale, kjo rritje duket logjike, pasi 8 GB mund të fillojnë të mos mjaftojnë në të ardhmen.
Edhe pse nuk pritet të sjellë ndryshime drastike — veçanërisht pasi iPhone 17 ka ofruar tashmë një hap të madh përpara në kamera dhe ekran — iPhone 18 pritet të sjellë një sërë përmirësimesh që e bëjnë të denjë për t’u ndjekur me interes. /nzoom.biz/